ஜெயமோகனின் நாளும் பொழுதும்

பேராசான் ஜெயமோகனின் ' நாளும் பொழுது ' நூலை வாசித்தேன் . அனுபவக் கட்டுரைகள் என்று சொல்லத்தக்கவை. அவர் இயங்கும் மூன்று தளங்களில் கண்டவற்றை பதிவு செய்துள்ளார். நான் , சினிமா , சமூகம் என்ற அந்த மூன்று பிரிவுகளில் கொடுக்கப்பட்டிருக்கும் கட்டுரைகள் ஒவ்வொன்றும் புனைவுக்கு நெருக்கமாகவும் அதே நேரத்தில் அவை பேசுவன இன்றும் நம் வாழ்க்கையுடன் பொருந்தும் வண்ணமும் திகழ்கின்றன . சில கட்டுரைகள் துவக்கத்தில் பகடியுடனோ அல்லது சாதாரணமாகவோ தென்படுகின்றன ஆனால் அதன் மையத்திலோ அல்லது கட்டுரை நிறைவடையும் இடத்திலோ நம்மை கலைத்துவிடுகின்றன . சமூகத்தின் கீழ் வரும் கட்டுரைகள் நமது பண்பாட்டை அறிமுகம் செய்கின்றன அவரின் அனுபவத்தின் ஊடாக அல்லது நமது நடவடிக்கைகளை நம்மையே கேள்வி கேட்டுக் கொள்ளும் வண்ணம் நிகழ்ந்துள்ளன . காசி பற்றிய எழுத்துகள் மரணத்தை நமக்கு வேறொரு கோணத்தில் காட்டுகின்றன . திருமண பந்தி பற்றி ஒரு கட்டுரை , இதை ஒரு printout எடுத்து ஒவ்வொரு திருமண மண்டபத்திலும் கொடுத்து அமுல் படுத்த செய்தால் அது ஒரு ஆகச் சிறந்த செயல்பாடாய் மாறும் . சினிமா மோகத்தில் நாம் எப்படி வரலாறை தொலைக்கிறோம் என்பதை குஷ்பூ குளித்த குளம் என்ற கட்டுரையில் முழுக்க பகடியுடன் சொல்லியுள்ளார் . சிரித்துக்கொண்டே வாசித்தேன். ஆனால் ஆழ்ந்த கனம் ஒன்று வந்து மனதில் அழுத்தியது. ஜெயஸ்ரீ யின் வீடு என்ற கட்டுரையில் ஒரு வீடு எப்படி இருக்கவேண்டும் என்பதற்கு லாரி பேக்கர் , காந்தி என தொட்டு சென்று விளக்கியது அது தொடராததற்கு எது அல்லது யார் காரணம் என தகுந்த பின்னணியுடன் எழுதியுள்ளார். ஒரு இலக்கியவாதி தனது சினிமா அனுபவத்தில் எதை பார்ப்பார் பதிவு செய்வார் என்பதற்கு சாலச் சிறந்த கட்டுரைகள் சினிமாவின் கீழ் தொகுக்கப்பட்டிருக்கும் கட்டுரைகள் . பாலா , வசந்த பாலன் படங்களில் அவர் பயணித்த நாட்கள் அதில் அவர் கண்டறிந்தவை என விரவிக் கிடைக்கும் விஷயங்கள் ஏராளம். நான் என்ற வகைமைக்குள் தனக்கும் நாய்களுக்குமான உறவு , தனது bsnl நாட்கள் அதில் மக்களுடன் உரையாடிய அனுபவங்கள் , அரசு அலுவலங்களில் முன்பு பைல்கள் எப்படி கையாளப்படும் என்று ஒரு கட்டுரை அதில் பைல்களுக்கு பதில் நீங்கள் நமது இன்றைய அன்றாட செயல்பாட்டில் உள்ள எதையும் பொருத்தி பார்க்கலாம் (உதாரணம் . ஒவ்வொரு கணத்தையும் புகைப்படமாய் எடுத்து சேமித்துக் கொண்டிருக்கும் இன்றைய வாழ்க்கை முறை ). மனைவி வேலைக்கு போக தனது வீட்டில் தனியாக இருக்கும் ஆண் சந்திக்கும் சங்கடங்களை பகடியுடன் அதே நேரத்தில் அகஆழத்துடன் பார்க்க ஒரு கட்டுரை 'ஆண்மகன்' என . தன்னறம் , சாப்பிடு பாப்பா போன்ற கட்டுரைகள் வேறு தொகுப்புகளிலும் இருக்கின்றன என்றாலும் இதில் மறுபடியும் வாசிக்க வேறு சில புதிய அறிதல்களை நம்மில் நிகழ்த்தும் நிச்சயமாக . ஆசிரியருக்கு மிக்க நன்றி. அன்புடன் கே.எம்.ஆர். விக்னேஸ்

Comments

Post a Comment

Popular posts from this blog

க.நா.சு - இலக்கியத்துக்கு ஓர் இயக்கம்

Image
க.நா.சு . இந்த பெயரை நான் அதிகம் படித்தது. கேட்டது எனது ஆசிரியர் ஜெயமோகன் மற்றும் எழுத்தாளர் சுரேஷ் பிரதீப் இவர்களின் எழுத்துக்களில் உரைகளில். அதன் மூலம் சென்றடைந்தது https://www.jeyamohan.in/29168/ . அவரின் ஒரு நூலையாவது முதலில் படிக்கவேண்டும் என முடிவு செய்து வாங்கியது 'இலக்கியத்துக்கு ஓர் இயக்கம்'. இந்த நூலை தேர்ந்தெடுக்க இன்னொரு காரணம் பெங்களூர் இலக்கிய விழாவில் ஆசிரியரை பேட்டி கண்ட எழுத்தாளர் பொழிபெயர்ப்பாளர் சுசித்ரா இந்நூலை மேற்கோள்காட்டி பேசினார். கடந்த ஒரு ஆண்டுக்கு முன்பு எனது நண்பர் ஒருவருக்கு அறம் சிறுகதைத் தொகுப்பை வாசிக்கக் கொடுத்தேன். இன்னொரு நண்பருக்கு அவரின் மகன் ஆங்கிலத்தில் படிக்கும்வண்ணம் 'Stories Of the true' வாங்கிக் கொடுத்தேன் . இருவருமே சொன்ன ஒன்றுண்டு . ' இது என்ன இவ்வளவு raw வா இருக்கு ', ' கெட்ட வார்த்தை எல்லாம் பயன்படுத்தியிருக்கிறார். இதை படிக்கும் ஒருவர் எப்படி கடைத்தேறுவார் இப்படி பல கேள்விகள். அப்போது நான் சொன்னது ..பகடிக்காக ஆனால் அவர்களுக்கு உண்மையாக தோன்றும்படி 'ஆமாம் உண்மைதான் . இந்த கருத்துக்களை ஜெயமோகன் அ...
Read more

வெண்முரசு - இந்திரநீலம் - வாசிப்பனுபவம்

Image
வெண்முரசு நாவல் வரிசையில் ஏழாவது நாவல் இந்திரநீலம். தினம் ஒரு அத்தியாயம் என்ற முறையில் வாசிப்பை நேசிப்போம் நண்பர்களுடன் இணைந்து , தினமும் எனக்குள்ளும் ஒலிக்கவிட்டுக் கொண்டிருக்கிறேன் வெண்முரசை. ஒருநாவல் முடிந்ததும் அடுத்ததை எடுத்து வெறுமனே எனது பார்வையில்படும்படி வைத்துக்கொள்வேன். பின்பு முன்னுரைகளை வாசிக்க ஒருநாள் எடுத்து அதை என்னுள் ஓடவிட ஒருநாள் என்று போகும். அவ்வாறான ஒரு செயல்பாட்டில் இம்முறை இறங்கியபோது எப்போதும்போல இப்போதும் பொய்க்காது நான் கண்டது திருசூழ் பெருநிலையை அதன் மூலமாய் அறிந்தேன் கேளு சரண் மகாபாத்யாய அவர்களை. இப்போது இந்திரநீலம் பற்றி .. துவாரகை கண்ட இளையயாதவன் தனது துணைவியராய் ருக்மிணி , ஜாம்பவதி , சத்யபாமை, நக்னஜித்தி, மித்ரவிந்தை, லட்சுமணை , பத்ரை , காளிந்தி ஆகிய எட்டு நாயகியரை கண்டடைந்து காதல்கொண்டு தம் உள்ளம் அமர்ந்த அத்தேவியரை வான்தோய் வாயில் கொண்ட துவாரகையில் அமர்த்தும் கதைகளை சொல்வதே இந்த நாவல். எட்டு குலங்களில் இருந்து பெண்கொண்டு வரும் கதைகள் துருபத இளவரசன் திருஷ்டத்யும்னன், இளைய யாதவருக்காக தொழும்பர்குறி பெற்ற சாத்யகி இவர்கள் இருவரின் நட்பாடல...
Read more

சென்றடையவில்லை என்னும் நிறைவின்மை !

Image
இங்கே கொடுக்கப்பட்டிருக்கும் தலைப்புதான் என்னை சிறிதளவேனும் வாசிக்க வைக்கிறது , முன்நகர்த்துகிறது என்று சொல்ல முடிகிறது . ஆனால் அதன் பக்க விளைவுகளில் ஒன்று . வாசிக்கும் வேகத்தைவிட வாங்கும் வேகம் அதிகமாகி வீட்டில் நிறைந்துவரும் நூல்கள் . ஒரு நேரம் சிறிய குற்றவுணர்வும் பெரும்பாலும் நிறைவுமே கொள்கிறேன் அந்த செயலால். திடீர் என எழுந்து சென்று அடுக்கில் இருந்து எடுத்து ஒரே நாளில் சமீபத்தில் வாசித்த நூல் ' சில ஆசிரியர்கள் சில நூல்கள்' . அசோகமித்திரனின் கட்டுரைத் தொகுப்புகள் அடங்கிய இந்த நூல் . தமிழ் எழுத்தாளர்களில் தொடங்கி உலக எழுத்தாளர்கள் பலரை மற்றும் தமிழ் நூல்கள் சிலவற்றை அறிமுகம் செய்கிறது. இந்த புத்தகத்தில் குறிப்பிடத்தகுந்த அம்சங்கள் என நான் உணர்வது சில உண்டு . ஒன்று அசோகமித்திரனின் நூல்களில் நான் வசிக்கும் முதல் அபுனைவு நூல் இது . சரி அவரின் புனைவு நூல்கள் நிறைய படித்துவிட்டாயா என்றால் அதுவுமில்லை . மணல் என்ற குறுநாவல் மட்டும் Tamil Literary Talks ல் அறிந்து வாசித்துள்ளேன் முன்பு. இரண்டு , நாம் ஆத்மார்த்தமாக உணர்ந்து செய்யும் விழையும் எதுவும் நம்மை நாடி வரும் ...
Read more