எனது மகளின் தமிழ் பள்ளி பேச்சுப்போட்டி க்கு தயார் செய்த வரிகள் :


அரங்கில் அமர்ந்திருக்கும் எனது மரியாதைக்குரிய ஆசிரியர்களுக்கும் , நண்பர்களுக்கும் எனது மனமார்ந்த வணக்கம்.


நான் பேச வந்துள்ளது இங்கு நம்மை இணைத்திருக்கும் மையச்சரடாம் நமது தாய் மொழியாம் தமிழின் சிறப்பைப் பற்றி !


தமிழுக்கு மகத்தான் பண்பாட்டு மரபொன்று உள்ளது. அந்தப் பண்பாடு இலக்கியம், கலை, மதம் என மூன்று களங்களில் முதன்மையாக உறைகிறது.


சங்க இலக்கியம் முதல் நவீன இலக்கியம் வரை, அதாவது தொல்பழங்காலம் முதல் தற்காலம் வரை அறுபடாது நீடிக்கும் ஓர் இலக்கிய மரபு தமிழுக்கு உண்டு. தமிழின் தொன்மை அல்ல நமது பெருமைக்குரிய விஷயம். தமிழை  விட தொன்மையான பண்பாட்டு மரபுகள் உலகில் உள்ளன. தமிழை  விட இலக்கிய வளர்ச்சியும் தொன்மையும் உள்ள மொழிகளும் உள்ளன. தமிழின் அறுபடாத தொடர்ச்சி என்பதுதான் நமது முதல்பெருமை.


தமிழின் பெருமிதங்களில் இரண்டாவது, இங்குள்ள் மாபெரும் கலைவெற்றிகள். நம் கலைவெற்றிகள் மூன்று களங்களில் உள்ளன. அவை   கோயிற்கலை,  சிற்பக்கலை.மற்றும் நம் வெண்கலச் சிற்பக்கலை. 


மூன்று நம் இசைமரபு. அதன் பண்ணிசைவேர்களும் நவீன வடிவமும் நம் சாதனைகள். அதை நாம் இன்னும் உலகத்தின் கண்களுக்கு கொண்டுசெல்லவில்லை. 


உலக இலக்கிய வெளியில் பெருமிதத்துடன் கொண்டு சென்று வைக்கும் தகைமை படைத்த படைப்புகள் நவீனத்தமிழில் எழுதப்பட்டுள்ளன என்று  என்னால் உறுதியாகச் சொல்ல முடியும்.


கம்பன் , கபிலர், அவ்வை , வள்ளுவர், பாரதி, மு.தளையசிங்கம் ,  அயோத்திதாசர் , கைலாசபதி, அ . முத்துலிங்கம் , ஜெயகாந்தன் , காலம் செல்வம், ஜெயமோகன் , ஷோபா சக்தி , அகரமுதல்வன் , அம்பை என எண்ணிலடங்கா  சொற்சிற்பிகள்  எத்தனை  பேர் தமிழில் .  


தமிழ்நிலத்தில் உருவான தனித்தன்மை கொண்ட மூன்று தத்துவப்பேரியக்கங்கள் உள்ளன.


இன்று அமெரிக்காவில் பிறந்து வளர்ந்த தமிழ்க்குழந்தைகள் கிரேக்க, ரோமானிய, மறுமலர்ச்சிக்கால தத்துவ சிந்தனைகள் அறிமுகமாயிருக்கின்றன. அவர்களுக்கு தமிழ்த்தத்துவம் எவையும் பெயரளவுக்குக் கூட அறிமுகமல்ல.


தமிழும், பண்பாடும் நீடிக்க வேண்டுமெனில் தமிழின் மெய்யான வெற்றிகள், சிறப்புகள் அடையாளப்படுத்தப்படவேண்டும். அதைச் செய்ய நாளைய அறிஞர்கள்  ஆன நம்மால் தான் முடியும்.


வாசிப்போம் தமிழை நம் அகம் குளிர !

வளர்ப்போம் அதன் பண்பாட்டை வையகம் உணர !


நன்றி, வணக்கம் !


Courtesy : 







Comments

Post a Comment

Popular posts from this blog

க.நா.சு - இலக்கியத்துக்கு ஓர் இயக்கம்

Image
க.நா.சு . இந்த பெயரை நான் அதிகம் படித்தது. கேட்டது எனது ஆசிரியர் ஜெயமோகன் மற்றும் எழுத்தாளர் சுரேஷ் பிரதீப் இவர்களின் எழுத்துக்களில் உரைகளில். அதன் மூலம் சென்றடைந்தது https://www.jeyamohan.in/29168/ . அவரின் ஒரு நூலையாவது முதலில் படிக்கவேண்டும் என முடிவு செய்து வாங்கியது 'இலக்கியத்துக்கு ஓர் இயக்கம்'. இந்த நூலை தேர்ந்தெடுக்க இன்னொரு காரணம் பெங்களூர் இலக்கிய விழாவில் ஆசிரியரை பேட்டி கண்ட எழுத்தாளர் பொழிபெயர்ப்பாளர் சுசித்ரா இந்நூலை மேற்கோள்காட்டி பேசினார். கடந்த ஒரு ஆண்டுக்கு முன்பு எனது நண்பர் ஒருவருக்கு அறம் சிறுகதைத் தொகுப்பை வாசிக்கக் கொடுத்தேன். இன்னொரு நண்பருக்கு அவரின் மகன் ஆங்கிலத்தில் படிக்கும்வண்ணம் 'Stories Of the true' வாங்கிக் கொடுத்தேன் . இருவருமே சொன்ன ஒன்றுண்டு . ' இது என்ன இவ்வளவு raw வா இருக்கு ', ' கெட்ட வார்த்தை எல்லாம் பயன்படுத்தியிருக்கிறார். இதை படிக்கும் ஒருவர் எப்படி கடைத்தேறுவார் இப்படி பல கேள்விகள். அப்போது நான் சொன்னது ..பகடிக்காக ஆனால் அவர்களுக்கு உண்மையாக தோன்றும்படி 'ஆமாம் உண்மைதான் . இந்த கருத்துக்களை ஜெயமோகன் அ...
Read more

வெண்முரசு - இந்திரநீலம் - வாசிப்பனுபவம்

Image
வெண்முரசு நாவல் வரிசையில் ஏழாவது நாவல் இந்திரநீலம். தினம் ஒரு அத்தியாயம் என்ற முறையில் வாசிப்பை நேசிப்போம் நண்பர்களுடன் இணைந்து , தினமும் எனக்குள்ளும் ஒலிக்கவிட்டுக் கொண்டிருக்கிறேன் வெண்முரசை. ஒருநாவல் முடிந்ததும் அடுத்ததை எடுத்து வெறுமனே எனது பார்வையில்படும்படி வைத்துக்கொள்வேன். பின்பு முன்னுரைகளை வாசிக்க ஒருநாள் எடுத்து அதை என்னுள் ஓடவிட ஒருநாள் என்று போகும். அவ்வாறான ஒரு செயல்பாட்டில் இம்முறை இறங்கியபோது எப்போதும்போல இப்போதும் பொய்க்காது நான் கண்டது திருசூழ் பெருநிலையை அதன் மூலமாய் அறிந்தேன் கேளு சரண் மகாபாத்யாய அவர்களை. இப்போது இந்திரநீலம் பற்றி .. துவாரகை கண்ட இளையயாதவன் தனது துணைவியராய் ருக்மிணி , ஜாம்பவதி , சத்யபாமை, நக்னஜித்தி, மித்ரவிந்தை, லட்சுமணை , பத்ரை , காளிந்தி ஆகிய எட்டு நாயகியரை கண்டடைந்து காதல்கொண்டு தம் உள்ளம் அமர்ந்த அத்தேவியரை வான்தோய் வாயில் கொண்ட துவாரகையில் அமர்த்தும் கதைகளை சொல்வதே இந்த நாவல். எட்டு குலங்களில் இருந்து பெண்கொண்டு வரும் கதைகள் துருபத இளவரசன் திருஷ்டத்யும்னன், இளைய யாதவருக்காக தொழும்பர்குறி பெற்ற சாத்யகி இவர்கள் இருவரின் நட்பாடல...
Read more

சென்றடையவில்லை என்னும் நிறைவின்மை !

Image
இங்கே கொடுக்கப்பட்டிருக்கும் தலைப்புதான் என்னை சிறிதளவேனும் வாசிக்க வைக்கிறது , முன்நகர்த்துகிறது என்று சொல்ல முடிகிறது . ஆனால் அதன் பக்க விளைவுகளில் ஒன்று . வாசிக்கும் வேகத்தைவிட வாங்கும் வேகம் அதிகமாகி வீட்டில் நிறைந்துவரும் நூல்கள் . ஒரு நேரம் சிறிய குற்றவுணர்வும் பெரும்பாலும் நிறைவுமே கொள்கிறேன் அந்த செயலால். திடீர் என எழுந்து சென்று அடுக்கில் இருந்து எடுத்து ஒரே நாளில் சமீபத்தில் வாசித்த நூல் ' சில ஆசிரியர்கள் சில நூல்கள்' . அசோகமித்திரனின் கட்டுரைத் தொகுப்புகள் அடங்கிய இந்த நூல் . தமிழ் எழுத்தாளர்களில் தொடங்கி உலக எழுத்தாளர்கள் பலரை மற்றும் தமிழ் நூல்கள் சிலவற்றை அறிமுகம் செய்கிறது. இந்த புத்தகத்தில் குறிப்பிடத்தகுந்த அம்சங்கள் என நான் உணர்வது சில உண்டு . ஒன்று அசோகமித்திரனின் நூல்களில் நான் வசிக்கும் முதல் அபுனைவு நூல் இது . சரி அவரின் புனைவு நூல்கள் நிறைய படித்துவிட்டாயா என்றால் அதுவுமில்லை . மணல் என்ற குறுநாவல் மட்டும் Tamil Literary Talks ல் அறிந்து வாசித்துள்ளேன் முன்பு. இரண்டு , நாம் ஆத்மார்த்தமாக உணர்ந்து செய்யும் விழையும் எதுவும் நம்மை நாடி வரும் ...
Read more